इटहरी । रामादा बाई विन्धाम इटहरीले यो विश्वकप सिजनमा फुटबलप्रेमीहरूका लागि विशेष स्टेकेशन प्याकेज सार्वजनिक गरेको छ। 

सार्वजनिक स्थानको भीडभाड र होहल्लाबाट टाढा बसेर प्रत्येक खेल आरामदायी वातावरणमा हेर्न चाहने दर्शकहरूलाई लक्षित गर्दै यो प्याकेज ल्याइएको हो।

“Big Match on TV, Premium Service on Call” नाम दिइएको यो प्याकेजअन्तर्गत पाहुनाहरूले आफ्नो कोठामै बसेर फिफा विश्वकपका सम्पूर्ण खेलहरूको प्रत्यक्ष प्रसारण हेर्न सक्नेछन्। 

प्रत्येक कोठामा टेलिभिजनको सुविधा उपलब्ध भएकाले भीडभाडयुक्त बार वा सार्वजनिक प्रदर्शनस्थलको झन्झटबाट टाढा रहेर आरामदायी रूपमा खेलको आनन्द लिन सकिने होटलले जनाएको छ। 

होटलले यसलाई एक्लै खेल हेर्न चाहने फ्यानदेखि साथीभाइको समूहमा बसेर विश्वकपको मजा लिन चाहनेहरूका लागि उपयुक्त प्याकेजका रूपमा प्रस्तुत गरेको छ।

यो प्याकेजको मूल्य एकल बसाइका लागि रु ६,५०० र दुईजनाका लागि रु ७,५०० निर्धारण गरिएको छ, जसमा सबै प्रकारका करहरू समावेश हुनेछन्। प्याकेज बुक गर्ने पाहुनाहरूले भेज र ननभेज स्न्याक्ससँगै बियरको सुविधा पनि पाउनेछन्। 

साथै होटलको स्विमिङ पुल, साउना र स्टीम सुविधामा पूर्ण पहुँच पनि उपलब्ध हुनेछ। विश्वकपका सबैभन्दा महत्वपूर्ण खेलहरू सेमिफाइनल र फाइनलका लागि होटलले विशेष बिग स्क्रिन भ्यूइङ एक्सपिरियन्स पनि आयोजना गर्नेछ, जसले पाहुनाहरूलाई उत्साहजनक सामुहिक वातावरणमा खेल हेर्ने अवसर दिनेछ।

यस प्याकेजअन्तर्गत उपलब्ध अन्य सुविधाहरूमा उपलब्धताअनुसार बेलुकी ४ बजेसम्म अर्ली चेक-इन तथा लेट चेकआउट, साथै बसाइका क्रममा अतिरिक्त खानपानमा १० प्रतिशत छुट समावेश छन्। 

होटलका अनुसार यो प्याकेजले रिसोर्टमा जस्तै आरामदायी अनुभव दिने र विश्वकपका ससाना मोमेन्टहरूको पनि आनन्द लिन सघाउने छ।

इटहरीमा अवस्थित यो होटलले पूर्वी नेपालमा प्रिमियम आतिथ्य सेवाको अनुभव प्रदान गर्दै विश्वकपको रौनकलाई अझ विशेष बनाउने लक्ष्य राखेको छ। व्यवसायिक यात्रा, घुमफिर वा विश्रामका बेलामा फुटबलसँगै रमाउन चाहने पाहुनाहरूका लागि यो प्याकेज सहज, आरामदायी र आकर्षक विकल्प बन्न सक्ने विश्वास होटलले लिएको छ।

यो प्याकेज बुक गर्न इच्छुक पाहुनाहरूले बुकिंग तथा थप जानकारीका लागि होटलसँग प्रत्यक्ष सम्पर्क गर्न सक्नेछन्।

रामादा बाई विन्धाम इटहरीको बारेमा:

पूर्वी नेपालको प्रमुख व्यावसायिक केन्द्र इटहरीमा अवस्थित रामादा बाई विन्धाम इटहरीले अन्तर्राष्ट्रिय मापदण्ड सहितको उच्चस्तरीय आतिथ्य सेवा र आधुनिक सौन्दर्यलाई समेटेको छ। ८१ वटा आकर्षक कोठा तथा सुइट भएको यो होटलले व्यवसायिक यात्रु तथा पर्यटकहरू दुवैलाई लक्षित गरी सेवा प्रदान गर्दै आएको छ, जहाँ अन्तर्राष्ट्रिय स्तरको हस्पिटालिटीलाई नेपालको न्यानो आतिथ्य परम्परासँग सुन्दर ढंगले संयोजन गरिएको छ। 

पाहुनाहरूले होटलभित्र अवस्थित चारवटा विशेष भोजन स्थलहरू NUA, सुत्र लाउन्ज, एरिया र सुक्र बारमा विभिन्न स्वादिष्ट परिकारको मजा लिन सक्नेछन्। साथै ब्यान्क्वेट हल, फराकिलो ओपन लन, स्विमिङ पुल र आधुनिक फिटनेस सेन्टरजस्ता प्रिमियम सुविधाहरू पनि उपलब्ध छन्। पूर्वी नेपालको आर्थिक तथा पर्यटन गतिविधिको केन्द्रबिन्दुमा रहेको यो होटल हस्पिटालिटी, ईभेन्ट्स तथा विशेष अनुभवहरूको लागि एक प्रमुख गन्तव्यका रूपमा स्थापित हुँदै गएको छ।