सोमवार, आषाढ २२ गते २०८३
सोमवार, आषाढ २२ गते २०८३
सोमवार, आषाढ २२ गते २०८३
सोमवार , आषाढ २२, २०८३
काठमाडौं । स्टार स्ट्राइकर एर्लिङ हाल्यान्डको उत्कृष्ट प्रदर्शनको मद्दतले पाँच पटकको विश्वविजेता ब्राजिललाई पराजित गर्दै नर्वे फिफा विश्वकप २०२६ को क्वाटरफाइनलमा प्रवेश गरेको छ ।
अमेरिकाको न्युयोर्कस्थित न्युजर्सी स्टेडियममा आज सम्पन्न रोमाञ्चक खेलमा नर्वेले उपाधि दावेदार ब्राजिललाई २–१ गोल अन्तरले स्तब्ध पारेको हो । यस ऐतिहासिक जितसँगै नर्वेले अन्तिम आठमा आफ्नो स्थान सुरक्षित गर्दा ब्राजिल भने विश्वकपको दौडबाट बाहिरिएको छ ।
पहिलो हाफ प्रतिस्पर्धात्मक र गोलरहित सकिएको खेलको दोस्रो हाफको अन्तिम समयमा हाल्यान्ड चम्किएका थिए । उनले खेलको अन्तिम ११ मिनेट भित्र दुई गोल गर्दै नर्वेको जित निश्चित गरे ।
खेलको ७९औँ मिनेटमा आन्द्रेस सेलड्रुपको उत्कृष्ट पासलाई सदुपयोग गर्दै हाल्यान्डले नर्वेलाई सुरुआती अग्रता दिलाएका थिए । त्यसपछि सम्हालिएर खेलेको नर्वेका लागि खेलको निर्धारित ९०औँ मिनेटमा हाल्यान्डले नै व्यक्तिगत दोस्रो गोल गर्दै टोलीको अग्रता दोब्बर बनाए ।
दोस्रो हाफको अतिरिक्त समय (इन्जुरी टाइम) मा ब्राजिलले पेनाल्टीको अवसर पाएको थियो । उक्त पेनाल्टीलाई स्टार खेलाडी नेइमारले गोलमा परिणत गर्दै खेललाई २–१ को स्थितिमा ल्याए पनि ब्राजिलको हार टार्न त्यो पर्याप्त भएन ।
हाल्यान्डको दुई गोलको मद्दतले ब्राजिलमाथि ऐतिहासिक जित निकाल्दै नर्वेले विश्वकप २०२६ मा आफ्नो सनसनीपूर्ण यात्रा जारी राखेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस