सिजीको प्रतियोगितामा नुवाकोटका श्याम रिजाल विजयी

सुनौलो नेपाल

शुक्रवार , आषाढ १२, २०८३

सिजीको प्रतियोगितामा नुवाकोटका श्याम रिजाल विजयी

नेपालको अग्रणी विद्युतीय उपकरण उत्पादक सिजीले सञ्चालन गरेको ‘क्यान यू सोल्भ द पजल ?’ नामक विशेष प्रतियोगिताको विजेता घोषणा गरिएको छ।

ग्राहकहरूसँगको सम्बन्धलाई थप प्रगाढ बनाउने र उनीहरूलाई मनोरञ्जन प्रदान गर्ने उद्देश्यले सञ्चालन गरिएको यस प्रतियोगितामा नुवाकोट निवासी श्याम रिजाल विजेता बनेका छन् ।

देशभरका ग्राहकहरूको उत्साहजनक र व्यापक सहभागिता रहेको यस रोमाञ्चक प्रतियोगिताको नतिजा हालै सार्वजनिक गरिएको हो ।

विजेता श्याम रिजाललाई सानेपास्थित सिजीको कार्यालयमा आयोजित एक विशेष कार्यक्रमका बीच पुरस्कार हस्तान्तरण गरिएको छ।

कम्पनीका बिक्री प्रबन्धक बद्रीनाथ रायले उनलाई आकर्षक उपहार स्वरूप गर्मी मौसमका लागि अत्यन्तै उपयोगी र उत्कृष्ट ‘सिजी ब्रिजर २२’ एयर कूलर प्रदान गरे ।

यस प्रतियोगितामा ग्राहकहरूबाट प्राप्त अपार सहभागिताले सिजीका उत्पादनप्रतिको माया र विश्वासलाई पुन: पुष्टि गरेको कम्पनीले जनाएको छ ।

कम्पनीले आगामी दिनहरूमा पनि आफ्ना उपभोक्ताहरूको दैनिक जीवनलाई सहज बनाउनुका साथै उनीहरूसँग जोडिन र खुसी साट्न यस्तै खालका रोचक र आकर्षक प्रतियोगिताहरू ल्याइरहने प्रतिबद्धता व्यक्त गरेको छ ।

सिजीका विभिन्न उत्कृष्ट घरायसी उपकरणहरू देशभर रहेका २१ वटा आधुनिक बिक्री केन्द्रहरू, कम्पनीका आधिकारिक अनलाइन पोर्टलहरू तथा देशभरका आधिकारिक बिक्री केन्द्रहरूबाट सहजै खरिद गर्न सकिने जानकारी समेत दिइएको छ।